Усе навіны

EKN замарозіла страхаванне крэдыту на куплю турбін на БелАЭС

Архіў навін

«Шведская EKN замарозіла здзелку на час разбіральніцтва пасля званкоў журналістаў». На ТБ Швецыі раскрытыкавалі мясцовую кампанію за супрацоўніцтва з рэжымам


Кампанія Siemens займаецца пастаўкамі газавых турбін на БелАЭС, нямецкія банкі выдалі крэдыт на іх куплю, а Шведскае экспартна-крэдытнае агенцтва (EKN) павінна застрахаваць пазыку.

НАУ ў межах кампаніі па пазбаўленні рэжыму Лукашэнкі грошай звярнулася да шведскіх партнёраў і запатрабавала адмовіцца ад любых здзелак з дыктатарам.

У сюжэце канала TV4 гаворыцца, што «Швецыя замарозіла дапамогу дзяржструктурам у Беларусі і падтрымала санкцыі ЕС супраць рэжыму Лукашэнкі. Але ў канцы верасня, калі гвалт у Беларусі дасягнуў максімуму, шведскія ўлады вырашаюць падтрымаць здзелку з дыктатарам на мільярд долараў».

Менавіта EKN страхуе крэдыт, тым самым дапамагаючы беларускай кампаніі «Брэстэнерга» купляць газавыя турбіны.

Усяго праз некалькі дзён пасля таго, як рэдакцыя праграмы Kalla Fakta пачала задаваць пытанні пра гэта, EKN паведаміла, што замарожвае здзелку на час далейшага разбору. За такі адказ шведская кампанія атрымала яшчэ адну порцыю крытыкі: журналісты канала лічаць, што EKN павінна была сама разабрацца ў пытанні, без падказкі ад СМІ.

Народнае антыкрызіснае ўпраўленне працягне дамагацца адмовы шведскай кампаніі ад страхавання пазыкі. Кожная адмова ад супрацоўніцтва з нелегітымным рэжымам дапамагае беларусам наблізіцца да перамогі над дыктатурай.

Абмяркуйце гэтую навіну ў соц. сетках:
Facebook | Instagram | Telegram | Twitter