Усе навіны

НАУ прадставіла стратэгію дзеянняў па барацьбе з рэжымам па міжнародным напрамку ў Сейме Польшчы

Архіў навін

У Сейме Польшчы прайшло паседжаньне па «беларускаму пытанню» Прэзідыума Камісіі па міжнародных справах з удзелам прадстаўнікоў НАУ. На сустрэчы прысутнічалі старшыня камісіі Марэк Кухчынскі, кіраўнік НАУ Павел Латушка, кіраўнік каманды юрыстаў упраўлення Міхаіл Кірылюк, адказны ў НАУ за шматбаковую дыпламатыю Уладзімір Астапенка, адзін з ініцыятараў прававой канферэнцыі ў Нюрнбергу, Польскі адвакат Томаш Вілінскі, а таксама прадстаўнікі ад усіх вядучых палітычных партый Польшчы.

Каманда НАУ прадставіла ў польскім парламенце стратэгію дзеянняў на міжнародным кірунку для паскарэння выканання нелегітымнай уладай трох галоўных і нязменных патрабаванняў беларускага народа:
  • спыніць рэпрэсіі і гвалт, а таксама правесці расследаванне і прыцягнуць да адказнасці вінаватых у злачынствах супраць мірных беларусаў;
  • неадкладна вызваліць усіх палітычных зняволеных;
  • правесці новыя, сумленныя, свабодныя і празрыстыя, выбары прэзідэнта пры ўдзеле міжнародных назіральнікаў.

Нагадаем прыярытэтныя напрамкі нашай працы ў гэтыя дні:
  • непрызнанне Лукашэнкі і яго ўрада на міжнародным узроўні;
  • прызнанне рэжыму тэрарыстычнай арганізацыяй;
  • прыцягненне злачынцаў супраць беларускага народа да адказнасці ў рамках універсальнай юрысдыкцыі і падрыхтоўка міжнароднага трыбунала;
  • пазбаўленне дыктатуры сродкаў да існавання праз ўнутраны эканамічны ціск і ўзмацненне ўздзеяння санкцыйнага;
  • мабілізацыя беларусаў — у тым ліку ў кантэксце канстытуцыйнага рэферэндуму, ігнараванне якога дэмакратычнай большасцю стане для Лукашэнкі занадта шчодрым падарункам.

Абмяркуйце гэтую навіну ў соц. сетках:
Facebook | Instagram | Telegram | Twitter