Усе навіны

Пляцоўкі для абмеркавання Канстытуцыі - далучайцеся!

Архіў навін

Аб’яднаныя дэмакратычныя сілы прапануюць пляцоўкі для абмеркавання Канстытуцыі - далучайцеся!


Кампанія «Народная Канстытуцыя» адкрыта для кожнага. Гэта не закрыты працэс — мы сапраўды пішам фінальную версію Канстытуцыі разам. У адрозненне ад таго, як за зачыненымі дзвярыма, без удзелу людзей пішацца праект рэжыму Лукашэнкі.

Менавіта таму нам вельмі важна атрымліваць ад вас зваротную сувязь. І мы гарантуем, што ўсе канструктыўныя каментары і прапановы беларусаў будуць улічаныя падчас стварэння фінальнай версіі Канстытуцыі Новай Беларусі - яна будзе па-сапраўднаму народнай.

Дзе будуць праходзіць грамадскія абмеркаванні?

1. Асноўная пляцоўка — сайт: kanstytucyja.online
— На сайце вы можаце азнаёміцца з паартыкульным тэкстам поўнай версіі праекта Канстытуцыі Новай Беларусі;
— Любы чалавек можа перайсці ў абмеркаванне кожнага артыкула і ўнесці свае прапановы, каментары, задаць пытанні, якія цікавяць;
— Мадэратар апрацоўвае вашу прапанову і перадае кіраўніку, адказнаму за працу над тэкстам праекта;
— Пасля разгляду прапановы яна альбо ўносіцца ў тэкст праекта Канстытуцыі Новай Беларусі, альбо матывавана адхіляецца.

2. Сацыяльныя сеткі
Апроч афіцыйнага сайта, мы таксама прымаем вашыя каментары і прапановы па праекце Канстытуцыі Новай Беларусі ў сацыяльных сетках:
— Офіс Святланы Ціханоўскай: чат-бот ў Telegram
— Народнае Антыкрызіснае Упраўленне
— Каардынацыйны Савет
— Супольнасць *Сумленныя Людзі

3. Платформа СХОД
У найбліжэйшы час на платформе народных прадстаўнікоў СХОД распачнуцца публічныя слуханні праекта Канстытуцыі Новай Беларусі.

Дэталёвы алгарытм прыняцця і ўліку прапаноў у рамках кампаніі «Народная канстытуцыя» будзе фіналізаваны і прадстаўлены на гэтым тыдні.

Дапамажыце нам дамагчыся вынясення народнага праекта Канстытуцыі на рэферэндум — зарэгіструйцеся ў адным з нашых чат-ботаў і трымайцеся інструкцыі:
Telegram
Viber

Абмяркуйце гэтую навіну ў соц. сетках:
Facebook | Instagram | Telegram | Twitter