Усе навіны

Патрабуем ад генпракурора правесці праверку ўказа аб скліканні т.зв. УНС

Архіў навін

Адзін з ключавых кірункаў процідзеяння т.зв. УНС — гэта грамадзянскі кантроль і прававы ціск на органы выканаўчай улады.

Учора мы апублікавалі першую інструкцыю і шаблоны зваротаў да мясцовых дэпутатаў.

Сёння мы адкрываем яшчэ адзін фронт і накіроўваем нашы законныя патрабаванні да генеральнага пракурора А. І. Шведа.

Чаго мы патрабуем?

Праверкі выканання заканадаўства пры прыняцці і выкананні ўказа аб скліканні т.зв. УНС.

На нашу думку, як сам указ, так і дзеянні яго выканаўцаў парушаюць цэлы шэраг артыкулаў Канстытуцыі, Закона аб сходах і Крымінальнага кодэкса Рэспублікі Беларусь.

А значыць усе мы, як грамадзяне Беларусі, маем поўнае права звярнуцца ў генпракуратуру, якая абавязана ажыццяўляць нагляд за «дакладным і аднастайным выкананнем законаў, дэкрэтаў, указаў і нарматыўных актаў».

Што трэба зрабіць?

1) Запоўніць і спампаваць шаблон звароту па спасылцы.

2) Адаслаць яго поштай па ўказаным у звароце адрасе (лепш адпраўляць заказным лістом).

3) Даслаць нам адказ на пошту.

Таксама мы просім больш актыўна заклікаць да адказу і вашых мясцовых дэпутатаў.
Шаблоны зваротаў да іх вы знойдзеце па спасылцы.

Абмяркуйце гэтую навіну ў соц. сетках:
Facebook | Instagram | Telegram | Twitter