Усе навіны

Дайджэст: 1-24 красавіка

Архіў навін

Кампанія «Punish Putins Puppet», кансультацыі з МЗС ЕС, папраўкі для беларусаў у польскім заканадаўстве, вялікае інтэрв'ю Паўла Латушкі


Сустрэчы каманды НАУ

Юрыст НАУ Міхаіл Кірылюк сумесна з прадстаўнікамі офіса Святланы Ціханоўскай і Цэнтра беларускай салідарнасці Вольгай Дабравольскай прынялі ўдзел у пасяджэнні рабочай групы МУС Польшчы па пытаннях прававога становішча беларусаў у Польшчы.

Па запрашэнні нямецкага фонду памяці Бухенвальд-Дора Мітэльбаў Павел Латушка прыняў удзел у цырымоніі памяці ахвяр канцэнтрацыйнага лагера ў Бухенвальдзе.

Адбылася рабочая паездка і сустрэчы з беларускімі дыяспарамі Паўла Латушкі ў Кракаў і Прагу.

Міжнародная падтрымка

Каманда НАУ ўстанавіла ўзаемадзеянне з былымі прэм’ер-міністрамі Вялікабрытаніі Горданам Браўнам, Тоні Блэрам і Джонам Мейджарам з мэтай запуску кампаніі «Punish Putins Puppet» па прыцягненні да крымінальнай адказнасці Лукашэнкі і яго саўдзельнікаў. Устаноўлены прамыя кантакты, пачата перапіска, праведзены шэраг сустрэч, а таксама апублікаваны артыкулы ў еўрапейскіх сродках масавай інфармацыі пад аналагічным загалоўкам.

Былыя прэм’ер-міністры Вялікабрытаніі ўважліва сочаць за трагічнымі падзеямі ў рэгіёне, выказалі згоду з прадстаўленымі НАУ аргументамі і ўжо робяць крокі па стрымліванні рэжыму Лукашэнкі ад удзелу ў актыўнай фазе наземнай аперацыі і яшчэ большай эскалацыі канфлікту.

Інфармацыйная праца каманды НАУ


НАУ праводзяць кансультацыі з МЗС ЕС

Павел Латушка і каманда НАУ правялі кансультацыі з міністрамі замежных справаў Швецыі, Польшчы, намеснікамі міністраў замежных справаў Чэхіі, Люксембурга, прадстаўнікамі МЗС Францыі, а таксама Вялікабрытаніі.
У бліжэйшы час адбудуцца сустрэчы членаў каманды НАУ з прадстаўнікамі Дзярждэпартамента ЗША, а таксама МЗС іншых краін ЕЗ для выпрацоўкі стратэгіі дзеянняў у дачыненні да рэжыму Лукашэнкі.

Кансультацыі былі праведзены з намеснікамі міністраў замежных спраў Эстоніі і Літвы, а таксама паслом Латвіі, падчас якіх партнёры пазначылі, што разглядаюць дзеянні рэжыму Лукашэнкі ў вайне супраць Украіны як саўдзел у агрэсіі і выступаюць за максімальную сінхранізацыю санкцый у дачыненні да рэжыму Лукашэнкі і Расіі.

Павел Латушка правёў сустрэчу з Пастаянным прадстаўніком ЕЗ у Беларусі Дзіркам Шубелем і праінфармаваў Пастпрэда ЕЗ аб ​​трох кампаніях, якія ініцыявала НАУ:

— Ні цэнта на вайну
— Punish Putin’s Puppet
— Прызнанне Беларусі часова акупаванай тэрыторыяй

Папраўкі для беларусаў у польскім заканадаўстве

14 красавіка адбылася сустрэча працоўнай групы дэмакратычных сіл пры МУС Польшчы, у якую ўваходзіць Офіс Святланы Ціханоўскай, Цэнтр беларускай салідарнасці і Народнае антыкрызіснае ўпраўленне. У Міністэрстве пацвердзілі змены ў бягучым заканадаўстве.

Гуманітарныя ВНЖ і гуманітарныя візы плануецца выдаваць усім грамадзянам Беларусі, якія маюць у гэтым патрэбу, незалежна ад таго, прыехалі яны на тэрыторыю Польшчы з Украіны пасля 24 лютага альбо прыехалі ў краіну па іншых абставінах. Галоўная мэта — дапамога беларусам, якія ўцяклі ад вайны ва Украіне.

Сустрэча дэмакратычных сіл

Кіраўнік НАУ Павел Латушка і прадстаўнікі каманды НАУ, дарадца Святланы Ціханоўскай Франак Вячорка правялі сустрэчу з Радай Беларускай Народнай Рэспублікі і з кіраўніком Рады Івонкай Сурвілай.

Асноўнымі тэмамі, якія абмяркоўваліся падчас сустрэчы, сталі пагрозы незалежнасці Беларусі з боку рэжыму Лукашэнкі, вайна Расіі супраць Украіны пры падтрымцы рэжыму Лукашэнкі, якая ставіць перад беларускім народам новыя выклікі.

Сустрэча адбылася ўпершыню і паўплывае на ўзмацненне ўзаемадзеяння паміж новымі дэмакратычнымі сіламі Беларусі і Радай БНР.

Абмяркуйце гэтую навіну ў соц. сетках:
Facebook | Instagram | Telegram | Twitter