Усе навіны
2020-12-15 18:06

Больш за 3000 чыноўнікаў заявілі, што падтрымліваюць Народныя патрабаванні

Архіў навін
— Рэжым хоча, каб работнікі ўсіх дзяржаўных структур былі лаяльныя да Лукашэнкі і падпарадкоўваліся толькі яму. Але так не працуе: сумленныя выбарчыя камісіі яшчэ на выбарах лічылі галасы не па ўказцы зверху, а як ёсць на самой справе. Тысячы рабочых, медыкаў, выкладчыкаў і супрацоўнікаў іншых структур выходзяць на пратэсты, падпісваюць адкрытыя лісты за новыя выбары і іншымі спосабамі ўдзельнічаюць у набліжэнні пераходнага перыяду.

Дзякуючы партнёрскаму праекту Сумленных людзей і НАУ «Дыялог з народам» мы ведаем: чыноўнікі таксама хочуць пераменаў і падтрымліваюць Народныя патрабаванні. У чат-боце — ужо больш за 3000 зваротаў ад тых, хто працуе ў дзяржаўным кіраванні.

Як вы можаце дапамагчы наблізіць перамогу над рэжымам, калі працуеце ў дзяржкіраванні?

1) Далучайцеся да праекту «Дыялог з народам» і расказвайце пра яго іншым сумленным чыноўнікам.
2) Далучайцеся да Народнага антыкрызіснага кіравання — калі вы гатовыя адкрыта дапамагаць, дасылайце заяўку. Прафесіяналы патрапяць у каманду НАУ.

Праект «Дыялог з народам» дапаможа чыноўнікам не толькі разам супрацьстаяць ціску рэжыму і абараніць адно аднаго, але і сфармаваць кадравы рэзерв для Новай Беларусі.
Абмяркуйце гэтую навіну ў соц. сетках:
Facebook | Instagram | Telegram | Twitter