Усе навіны

Міжнародны крымінальны суд як інструмент прыцягнення рэжыму Лукашэнкі да адказнасці

Папярэднія навіны

Цытаты з дакладу праграмнага дырэктара міжнароднага партнёрства за правы чалавека


Злачынствы рэжыму Лукашэнкі сталі відавочнымі для ўсей сусветнай супольнасці — і яны закранаюць ўжо не толькі грамадзян Беларусі. Прыцягненне вінаватых да адказнасці - адзін з прыярытэтаў у нашай працы. Пра тое, як у гэтым можа дапамагчы Міжнародны крымінальны суд (МКС), на арганізаванай НАУ прававой канферэнцыі ў Нюрнбергу распавёў Сымон Папуашвілі, праграмны дырэктар міжнароднага партнёрства за правы чалавека (МППЧ). Ніжэй — ключавыя цытаты з яго дакладу.

  • «МППЧ, Global Diligence, Truth Hounds і Нарвежскі Хельсінкскі Камітэт звярнуліся да пракурора МУС з просьбай расследаваць злачынствы рэжыму Лукашэнкі супраць чалавечнасці».

  • «Беларусь не з’яўляецца членам Савета Еўропы або якога-небудзь іншага механізму міжнароднага правасуддзя. Яна таксама не з’яўляецца ўдзельніцай МКЗ, а без рэзалюцыі Савета Бяспекі ААН МКС дазволена расследаваць і пераследваць у судовым парадку толькі злачынствы, учыненыя на тэрыторыі дзяржаў-удзельніц МКС або іх грамадзянамі. Але ў верасні 2018 года МКС зрабіў прэцэдэнтнае выключэнне з гэтага правіла — па сітуацыі ў М’янме. Калі дзяржава, якая не ўдзельнічае ў МКС, змушае сваіх грамадзян бегчы на тэрыторыю дзяржавы-ўдзельніка арганізацыі, яна можа трактаваць такія паводзіны як злачынства супраць чалавечнасці. У выпадку з Беларуссю тысячы мірных грамадзян вымушана беглі ў Літву, Латвію, Польшчу, Украіну — краіны, якія знаходзяцца пад юрысдыкцыяй МКС».

  • «Мы асцерагаемся далейшага гвалту і кровапраліцця. Міжнародная супольнасць павінна нешта зрабіць, каб заклікаць рэжым да адказу. З Расеяй у Радзе Бяспекі ААН з перспектыў для міжнароднага правасуддзя застаецца толькі МКС. Мы просім падтрымаць нашы намаганні па расследаванні справы пракурорам МКС — гэта як мінімум можа дапамагчы стрымаць эскалацыю гвалту. І падтрымка з боку краін-удзельніц МКС у выглядзе перадачы імі справы ў адпаведнасці з рымскім статутам вывела б сітуацыю на пярэдні план і дала б МКС дадатковы стымул дзейнічаць хутка і рашуча».

Абмяркуйце гэтую навіну ў соц. сетках:
Facebook | Instagram | Telegram | Twitter