Усе навіны

Прававая канферэнцыя ў Нюрнбергу - 11 кастрычніка

Архіў навін

У канцы жніўня Народнае антыкрызіснае ўпраўленне анансавала прававую канферэнцыю ў Нюрнбергу. Яна неабходная, каб паскорыць працу па прызнанні рэжыму Лукашэнкі тэрарыстычным і прыцягненню да адказнасці вінаватых у катаваннях у рамках універсальнай юрысдыкцыі.

Прававая канферэнцыя запланавана на 11 кастрычніка. У Нюрнбергу сустрэнуцца палітыкі, юрысты і праваабаронцы, каб зацвердзіць план дзеянняў, які наблізіць правасуддзе над тэрарыстам. НАУ арганізуе анлайн-трансляцыю канферэнцыі.

Прызнанне рэжыму Лукашэнкі тэрарыстычным — гэта ўнікальны працэс. Расследаванне абцяжаранае тым, што прадстаўнікі нелегітымнай улады яму перашкаджаюць. Яго даводзіцца весці за межамі Беларусі - краіны месца злачынства.

У суд ААН ужо падавалі пазоў супраць Беларусі па пытанні катаванняў, але суд ААН адзін, а ў свеце шмат краін з праблемамі. Па словах юрыстаў, якія маюць дачыненне да справы, сама працэдура прыняцця справы можа заняць не адзін год. Чым больш медыйнай і палітычнай увагі будзе прыкавана да праблеме, тым больш шанцаў на поспех.

Абмяркуйце гэтую навіну ў соц. сетках:
Facebook | Instagram | Telegram | Twitter