![Кіраўнік МЗС Беларусі Уладзімір Макей](https://static.wixstatic.com/media/1f864d_c3b826683e6c472f84338bc2c51dbb61~mv2.png/v1/fill/w_49,h_27,al_c,q_85,usm_0.66_1.00_0.01,blur_2,enc_auto/1f864d_c3b826683e6c472f84338bc2c51dbb61~mv2.png)
Еўрапарламент забараніў допуск беларускіх дыпламатаў і дзяржаўных чыноўнікаў у сваю штаб-кватэру
Народнае антыкрызіснае ўпраўленне працягвае працу, накіраваную на абмежаванне любых міжнародных кантактаў афіцыйных прадстаўнікоў рэжыму Лукашэнкі, за саўдзел у агрэсіі супраць прыязнага народа Украіны і бесперапынных масавых парушэнняў правоў чалавека ў Беларусі. Пасля забароны наведвання штаб-кватэры Рады Еўропы і пазбаўлення акрэдытацыі прадстаўніка рэжыму (супрацоўніка амбасады Беларусі ў Францыі), аналагічнае рашэнне прынятае Еўрапарламентам. Гэта чарговы «падарунак» ад НАУ Уладзіміру Макею.
НАУ дзякуе сябрам Беларусі — еўрапарламентарыям, якія падтрымалі ініцыятыву аб блакіраванні магчымасці наведвання Еўрапарламента прадстаўнікамі рэжыму Лукашэнкі.
Усюды, дзе вы, спадар Макей, ці вашыя прадстаўнікі плануеце з'яўляцца, намі будзе зроблена ўсё, каб абмежаваць вашыя магчымасці ўзаемадзеяння з цывілізаваным светам. Рэжым Лукашэнкі мусіць спыніць сваё існаванне ў Беларусі. Падавайце ў адстаўку, спадар Макей.