Прадстаўнікі МЗС Літвы, Латвіі і Эстоніі лічаць рэжым Лукашэнкі агрэсарам і зыходзяць з неабходнасці яго адказнасці за агрэсію супраць Украіны
Павел Латушка і каманда НАУ правялі кансультацыі з міністрамі замежных справаў Швецыі, Польшчы, намеснікамі міністраў замежных справаў Чэхіі, Люксембурга, прадстаўнікамі МЗС Францыі, а таксама Вялікабрытаніі.
У ходзе кансультацый, якія адбыліся сёння з намеснікамі міністраў замежных спраў Эстоніі і Літвы, а таксама паслом Латвіі, адзначана:
Партнёры разглядаюць дзеянні рэжыму Лукашэнкі ў вайне супраць Украіны як саўдзел у агрэсіі.
Тэма палітычных рэпрэсій з'яўляецца адной з ключавых для гэтых краін у выпрацоўцы нацыянальных пазіцый і абмеркавання прымаемых санкцый у дачыненні да рэжыму на ўзроўні ЕС.
Указаныя краіны выступаюць за максімальную сінхранізацыю санкцый у дачыненні да рэжыму Лукашэнкі і Расіі.
Прапановы рэжыму аб наладжванні дыялогу з ЕС разглядаюць як фальшывыя.
У ходзе кансультацый партнёры адзначылі, што акупацыя Узброенымі сіламі Расіі тэрыторыі Беларусі — ключавая пагроза для бяспекі як Украіны, так і Літвы, Латвіі, Эстоніі, а таксама рэгіянальнай бяспекі ў цэлым. Прадстаўнікі гэтых краін падтрымліваюць тэзу аб дэакупацыі тэрыторыі Беларусі.
Павел Латушка таксама праінфармаваў аб кампаніях НАУ па прызнанні Беларусі часова акупаванай тэрыторыяй, "Punish Putin's Puppet" і "Ні цэнта на вайну".
У бліжэйшы час адбудуцца сустрэчы членаў каманды НАУ з прадстаўнікамі Дзярждэпартамента ЗША, а таксама МЗС іншых краін ЕС для выпрацоўкі стратэгіі дзеянняў у дачыненні да рэжыму Лукашэнкі.
Comments