Каментары Паўла Латушкі Gazeta Wyborcza
Арыгінал артыкула: wyborcza.pl
Беларускі мастак памёр у турме ў Гродне "пры нявысветленых абставінах". - Нажаль, гэта не апошні такі страшны выпадак, - кажа былы амбасадар Беларусі ў Польшчы.
- Яго смерць - моцны ўдар, - кажа Павел Латушка, былы амбасадар Беларусі ў Польшчы. "На жаль, гэта не першы, але і не апошні такі страшны выпадак, таму што для Лукашэнкі чалавек не мае значэння", — дадае ён.
Апазіцыянер і палітвязень Алесь Пушкін памёр 11 ліпеня "пры нявысветленых абставінах". Яго перавезлі ў аддзяленне інтэнсіўнай тэрапіі. Яму было 57 гадоў.
Пушкін адбываў пакаранне ў турме №1 у Гродне пасля таго, як у сакавіку 2022 года быў асуджаны беларускім судом па артыкуле, які забараняе прапаганду нацызму. Па версіі следчых беларускага рэжыму, Пушкін парушыў забарону, намаляваўшы, а затым выставіўшы на выставе ў Гродне партрэт Яўгена Жыхара, беларускага паэта і антысавецкага змагара за незалежнасць.
«Хоць ягоная сям'я пакуль не ведае падрабязнасцяў ягонай смерці, ужо вядома, што ён з'яўляецца яшчэ адной трагічнай ахвярай рэжыму Лукашэнкі», — напісала Святлана Ціханоўская ў Twitter.
- Нідзе ў Еўропе за апошнія 40-50 гадоў не было столькі палітвязняў, як зараз у Беларусі. Так блізка здараецца нешта настолькі жудаснае, што можна забіць чалавека ў турме і ніхто не будзе за гэта пакараны.
Можна страляць, гвалтаваць паліцэйскай дубінкай... У нас ёсць сама меней сотня такіх прыкладаў, — кажа Латушка.
Праваабарончы цэнтр “Вясна” паведамляе, што колькасць палітвязняў у Беларусі дасягнула беспрэцэдэнтнага ўзроўню – больш за 1500 чалавек.
Commentaires